حب المفخره والظهور>< على أكتاف الحضور . .

حب المفخره والظهور>< على أكتاف الحضور . .

--------------------------------------------------------------------------------

بسم الله الرحمن الرحيم..

السلام عليكم ورحمه الله وبركاته..

نبارك لكم حلول شهر رمضان المبارك أعاده الله علينا وعليكم باليمن والمسرات ..

وجعله أن شاء الله شهر خير علينا وعليكم وجعله شهر استغلال جميع الفرص ..

وأن يسهل لنا ما أستصعب علينا وييسر لنا كل عائق حال بيننا وبين زملائنا ..

مرتادي قسم الهجولهـ .. وش نلاحظ في خشاتـ ذا الأيام وخشات ما فــات ؟!

طيب وش نلاحظ على سيارات الطارات ذا الايام ؟ اكيد قل تركيب أسم الطاره ؟

طيب ما علينا ؟ وش نشوف اثناء الخشه من هيط قبلٍي + هيط التحيز والقدح ؟

طيب وش رايكم في خشات .. تكفى ..!! تكفى ..!!؟؟

منتم فاهمين الشي اللي انا كتبت الموضوع من شانه !!

أول شي بذكر لكم موقف معين عن شخص الله يستر علينا وعليه بخصوص شغل تكفى تكفى !!

في يوم من الايام في احد الخشات طاره كبير يرفض ذكر اسمه ناوي على خشه بعد توفر الموتر ..

.. واذا با احد الزملاء له يقول فيه واحدن احرجن من شان اركب له لوحه..

بس مكتوب فيها لعيون فلان .. طبعا الطاره قال انت ما تبي تركب..

لنفسك وجاي تركب لشعب وش القصه يا فلان ..

قال وش اسوي احرجني وترى الرجال ما خلى من تكفى ولا شي..

وانت عارف تكفى تهز الرجال ..

قال الطاره ابشر يالغلا تستاهل علشانك انت.. لو اني منيب مقتنع بذا

الشي يا الغالي بس ركبوا اخذ صوره بالكاميرا .. بس اتفاجأ انه ما ضغط

الزر على التسجيل ولما بدى متجه للخشه ومن الاولى واطير لوحة فلان وبالاول وبالاخير ما

اتصورت .. ذا موقف معين من كثير من المواقف ..

طيب تشوف طارات يشاد لهم بالعقل والاتزان وناس لهم وزنهم على مستوى الهجوله مع ..

احترامنا لطارات بس تشوف من شغل تكفى ملزقن كم لوحة لعيون فلان على الأسطب الأيمن..

ولعيون فلان على الأسطب الأيسر ولعيون فلان على مكان مفتاح الشنطه ولعيون فلان وفلان ..

وفلان وفلان وحدث بلا حرج على الصدام .. تقول شغاله فلبينيه ناشره غسيل أهل البيت على..

الجدار من دون ترتيب ولا احساس بالمسؤليه ..!!

لو ذا الشي مشاهد من طارات مالهم الا يومين يمكن نقول توه عليمي فالهـا مع حقين الحاره ..

بس لما تشوفه مع طاره له كم سنه وهو يهجول على مستوى جهة معينه من الرياض .. يعني

حولك وحواليك لأن الطارات الكبار يترفعون عن ذا الأشياء بشكل عام وخاصه حقين تكفى تشوف..

احلى تسليك لهم لانه بيضر نفسه وبيضر الناس اللي أتابعه خاصه لما يتناقلون الكلام ويبداء..

التعليق عليه لانه رجل محاسب من قبل الأخرين عن أي تصرف يحدث منه وذا يعتبر غلطه كبيره ..

من قبل أي طاره يسوي ذا الأشياء ..

ولما تجلس مع ناس لهم باع طويل في الهجوله من المنتمين لصفوف المواكب ولا المهتمين..

بالهجوله لو انهم قله ذا الايام اللي تلقى لديه الوعي ان الهجوله هوايه مهيب غايه يتعب لها من..

شان كسبها بأي طريقه وحفظ حقوق الخشات المخصصه لشخص نفسه .. تلقى أغلبهم يقول ..

أن اللي مستغلين معرفتهم بطاره معين او معرفه أصدقاء الطاره ما ابي أقول المصلحجيه أو ..

ناس مدورت الظهور على أكتاف غيرهم أنهم هم السبب الأول والأخير في شغل نشر غسيل الملابس..

يدور اللي يصلح له بس لما تجي اللي يبي الخشهـ لعيناه لبى قلبه وتقول تعال نقص علينا كفرتين..

وش بيقول وذا الشي صار كنوع من رد الناس عن اشغال الطارات وكنوع من انواع التصريفه له..

من شان ما يقروش نفسه ويسكر على غيره لان ذا بيروح يتكلم عند الشعب فلان حق طقم !!

طيب لو قلنا ان تم احراج الطاره من قبل ناس له خاصين وخش لعيون كم واحد وش تبي تشوف؟

يعني من واقع المنتديات تبي تشوف حرب كلاميه يعني حدث ولا حرج انغبن وطرطع وولع ..

كبدايه .. وشوي يبداء تحريف الموضوع ويصير قدح على مستوى اكبر تلقى ناس حقين وحدات ..

وحقين قروبات يعني على قولة القايل امسكلي واقطع لك وتكلم وانا بقتبس منك وبأييدك يالذيب..

الضحيه .. الطاره اللي احرجه كم واحد وكله على تكفى وتكفى !! ذا يعز علي ويهمني امره ..

كم سؤال على الطاير وياليت نشوف ردود ايجابيه بعيد عن المجامل وعن ارضى ناس وناس !

كوسشن 1 :

خويك الطاره هل تهايط فيه من شان انه يعنيلك ولا بتكف خيرك وشرك وشغل القدح والهيط ؟

كوسشن 2 :

وش رايك في حقين تكفى .. تكفى !! تلاحظ أنهم بتزايد ولا محصورين كلن على حسب أهميته ؟

كوسشن 3 :

وش رايك بناس هيط اللوحات اللي اللي أكبر همها هيط بطريقة غير شرعية !! يعني مصلحهـ ؟


كوسشن 4 :

وش نصيحتك لطاره اللي يسوي تنازلات لكم شخص ويخلي الناس تتجاوز في طلباتها بسبت ذا الميانه اللي صارت عقب تكفى .. تكفى ..!!؟

كوسشن 5 :

وش رايك باللي مسوي خوي الطاره !! على قولت خوينا في الله دقيقهـ بتصل عليهـ أشوف وش أخباره ؟

في النهايه .. أشكر لكم حسن تجاوبكم وكلي شغف بانتظار ما ستدونونه في الموضوع با أقلامكم

وان شاء الله نكون حلقة وصل بالخير .. وياليت ما يتغير مسار الموضوع لشغل الهيط والقدح

بالتوفيق للجميع .. يا ساده ..!!

مشكورررررررررررررررررررررررررررررررررررررررررررررر علي هذا الموضوع